ཐབས་ཚུལ་རིམ་པ།

དྲི་བ་འཆར་བཀོད།

དྲིི་བ་ཁག་ནི་ཆབ་སྲིད་ཀྱི་ཁ་ཕྱོགས་ཇི་ཡིན་ཚད་གཞལ་རྒྱུར་དམིགས་ཡོད་ན་རྣམ་དཔྱོད་ལྡན་པའི་བོད་མིའི་འོས་ཀྱི་ཆ་རྐྱེན་ལྟེ་བ་དེ་ཡིན། དྲི་ཚན་འདི་རིང་མིན་སླེབས་ལ་ཉེ་བའི་བོད་མིའི་འོས་བསྡུ་ཆེན་མོར་དམིགས་ནས་ཆེད་མངགས་བཟོས་གནང་བ་ཡིན་ན་སྤུས་ཀ་ལྡན་པའི་ཆ་རྐྱེན་ཁ་ཤས་དང་མཚུངས་དགོས། དང་པོ་དེར། ཆབ་སྲིད་ཀྱི་བར་གནས་དགོས་རྒྱུ་ནི་མེད་དུ་མི་རུང་བ་ཡིན། གཉིས་ནས། དྲི་བ་དྲི་ལན་ནང་བརྗོད་གཞི་རྒྱ་ཆེ་ས་ནས་འདུས་དགོས། དེ་དང་ལྷན་དུ་དྲི་བ་རྣམས་སྐབས་བབ་ཀྱི་གནད་དོན་ཐོག་བགྲོ་གླེང་བྱེད་པ་ཙམ་མ་ཟད་མ་འབྱུང་འགྱུར་གྱི་ལོ་ཟླའི་ནང་ཡོང་གཞིའི་གལ་ཆེའི་གནད་དོན་ཁག་ཅིག་གི་ཐོག་ལའང་བགྲོ་གླེང་ཡོང་རྒྱུ་ཡིན་པ་མངོན་འགྱུར་ཐུབ་པ་དགོས། མཐའ་དོན་དེ་དྲི་བ་རྣམས་གོ་བདེ་ཞིང་གནད་དོན་ཆ་ཚང་བ་ཚུད་པའི་ཐོག་གོ་རྟོགས་སླ་བ་ཞིག་ཡིན་དགོས། གོང་གསལ་ཆ་རྐྱེན་རྣམས་ཚང་བ་ལ་དྲི་ཚན་བཟོ་བའི་རིམ་པའི་ནང་གོ་རིམ་ཁ་ཤས་འདུས་དགོས།

༡། ཁྱོན་ཡོངས་ཀྱི་གནས་ཚུལ་ཚུད་པ་དང་ཆ་ཤས་ལེན་ནུས་ཀྱི་རང་བཞིན་ལྡན་པ་དགོས། འབྲེལ་ཡོད་གནད་དོན་ཡོངས་རྫོགས་ཚུད་པའི་ཐོག བསམ་ཚུལ་དང་། རྒྱབ་ལྗོངས། ལྟ་བ་ལངས་ཕྱོགས་བཅས་མི་འདྲ་བ་ཆ་ཚང་ཚུད་པའི་ཐོག་ནས་ཚང་མར་མཉམ་ཞུགས་བྱེད་རྒྱུའི་གོ་སྐབས་སྤྲད་པའི་སྒོ་ནས་བསམ་ཚུལ་བསྡུ་ལེན་བྱེད་གལ་ཆེ།

༢། རྩོམ་སྒྲིག་གི་བརྒྱུད་རིམ། དྲི་བ་བསྡུ་རུབ་བྱུང་བ་རྣམས་བརྒྱུད་རིམ་ཐེངས་འགའ་ཤས་འོག་བཅོས་སྒྲིག་བྱེད་རྒྱུ་དང་། དེའི་འགན་འཁུར་ཡོངས་རྫོགས་རྣམ་དཔྱོད་ལྡན་པའི་བོད་མིའི་འོས་བསྡུའི་ལས་འཆར་གྱི་ལས་མི་རྣམས་ལ་ཡོད།

༣། སྤུས་ཚད་ཚོད་འཛིན། ཚན་རིག་གི་དྲྭ་བ་པོ་ལི་ཊུལ་སི་དང་སློབ་སྟོན་ཚོགས་ཆུང་གི་ངོས་ནས་འབྲེལ་ཡོད་གནད་དོན་ཐོག་བཀའ་སློབ་ལམ་སྟོན་ཞུས་པའི་ཐོག ༡) དྲི་ཚན་རྣམས་བརྒྱུད་རིམ་ཁུངས་ལྡན་ཞིག་གིས་ལམ་ནས་བཟོ་རྒྱུ་དང་། ༢) བརྗོད་གཞིའི་ནང་འབྲེལ་ཡོད་སྲིད་བྱུས་ཀྱི་གནད་དོན་གཙོ་ཁག་མཚོན་ཐུབ་པ།

བརྒྱུད་རིམ་དེ་དག་ཆ་ཚང་བ་བརྒྱུད་པའི་ཐོག་ནས་ཚང་མས་རྟོགས་སླ་བ་དང་། ཚང་མར་འབྲེལ་བ་ཆགས་པ། བློ་མགུ་ནུས་ཀྱི་ཁྱད་ཆོས་ལྡན་པའི་དྲི་ཚན་བཟོ་རྒྱུ་དང་། དེ་ལ་བརྟེན་ནས་ཐག་གཅོད་བྱེད་པའི་བརྒྱུད་རིམ་ལ་རྒྱབ་སྐྱོར་བྱེད་ཐུབ་རྒྱུར་རེ་བ་བྱེད་ཀྱི་ཡོད། ང་ཚོའི་རེ་བར། བརྒྱུད་རིའི་འདིའི་ཐོག་ནས་འོས་འཕེན་པ་རྣམས་ཀྱི་ངོས་ནས་འོས་མི་སོ་སོའི་སྒེར་གྱི་ཁྱད་ཆོས་དང་། གསར་འགྱུར་བརྒྱུད་ལམ་གྱིས་ཐོག་གི་འོས་མིའི་སྐོར་གྱི་གནས་ཚུལ། འོས་མི་དང་འོས་འཕེན་པ་རང་ཉིད་ཆོལ་ཁོངས་ཇི་ཡིན་གྱི་གནད་དོན་བཅས་ཀྱི་རྒྱ་ལས་བརྒལ་ཏེ། གནད་དོན་གཙོ་བཟུང་གི་ཐོག་ལ་སྦྱངས་བཤད་བྱས་པའི་སྒོ་ནས་ནར་སོན་བཞིན་པའི་བོད་མིའི་མང་གཙོ་འདི་བཞིན་ཡར་རྒྱས་མདུན་སྐྱོད་བྱེད་པར་ཕན་ནུས་ཡོང་རེ་བྱེད་ཀྱི་ཡོད།

མཚུངས་བསྡུར།

འོས་མི་དང་འོས་འཕེན་པ་གཉིས་ཀས་ཆབ་སྲིད་ལངས་ཕྱོགས་སམ་ལན་རྣམས་མཚུངས་བསྡུར་བྱ་ཆེད་རྣམ་དཔྱོད་ལྡན་པའི་འོས་བསྡུ་ཡིས་ཡུཀླི་ཌའི་ལུགས་ཀྱི་ཐིག་རྩིས་ཀྱི་རྒྱང་ཚད་ལ་གཞི་བཞག་གིས་འཕྲུལ་སྤྱད་རྩིས་ལུགས་བེད་སྤྱོད་ཐབས་བྱེད་ཀྱི་ཡོད། གཤམ་དུ་ཁྱེད་ཀྱིས་མཚུངས་བསྡུར་འཕྲུལ་སྤྱད་རྩིས་ལུགས་གི་ངོ་སྤྲོད་ཞིབ་ཕྲ་བལྟ་ཐུབ།

ལངས་ཕྱོགས་མཚུངས་བསྡུར་བྱེད་སྟངས་བརྒྱུད་རིམ། (སྤྱོད་བདེའི་ཡིག་སྒྲོམ། PDF)

སྡོམ་འཁོར་དབྱིབས་རིས།

འོས་མི་ཞིག་དང་འོས་འཕེན་པ་ཚོའི་ལངས་ཕྱོགས་འཁོར་མདའ་རྩེ་མདུན་ལྡན་པའི་སྡོམ་འཁོར་དབྱིབས་རིས་ཐོག་རྩིས་སྐོར་བྱེད་པར་རྣམ་དཔྱོད་ལྡན་པའི་འོས་ཀྱིས་དྲི་བ་རྣམས་སྡོམ་འཁོར་དབྱིབས་རིས་ཀྱི་འཁོར་མདའ་རྣམས་ལ་མཐུན་སྦྱོར་བྱེད་ཀྱི་ཡོད། གཤམ་དུ་གནང་ཕྱོགས་ཇི་ཡིན་དང་དེ་མཚུངས་སྡོམ་འཁོར་དབྱིབས་རིས་ཀྱི་འཁོར་མདའ་ལ་དྲི་བ་གང་འདྲ་འབྲེལ་སྦྱོར་བྱེད་པ་བཅས་ཞིབ་ཕྲ་ངོ་སྤྲོད་ཞུས་ཡོད།